مناقشات سوبرماما

انضمى لمجتمع سوبرماما وشاركى كل الامهات رأيك و أهتماماتك وأسلتك

كيف تدلعى زوجك

22 أغسطس 2012 - 2:47مساء

دلعي جوزك !!

 

ازاى تدلعى جوزك …؟؟؟؟؟

طبعا كل عضوات سوبر ماما اول ميقروا العنوان هلاقى نفسى بتهاجم و كمان انا راجل و بطلب الدلع هيقولوا انتوا مش بتشبعوا وكدة بس و الله الراجل الذكى الى كل ميدلع اكثر هيدلعك اكثر عشان الراجل طماعع هيدلعك عشان يدلع

اصحى دايما قبله وحضرى له الفطار والحمام ولما تيجى تصحيه اهمسى فى ودنه بهدوء وابتسمى فى وجهه ولا توقظيه بحده وساعديه وهو بيلبس

ودعيه بابتسامه وهو خارج واكدى عليه لما يوصل بالسلامه يطمنك بمكالمه تليفون

خلى بيتك دايما نضيف ورائحته جميله حتى لو كنتى تعبانه

كونى جميله دايما فى عيونه وتزينى قبل حضوره وقومى بتنظيف اطفالك كمان ولبسيهم ملابس نظيفه

ولما يرجع استقبليه بابتسامه وساعديه فى تغييرملابسه واساليه عن يومه فى شغله وان كان مضايق من الشغل حولى متزوديش عليه بالاسئله ودايما تقولى له انتى قد ايه مشتقاه ليه وهو بعيد عنك

وكل ما تسمح الظروف اعملى له اكله تكون مقربه الى قلبه وبيحبها

متناميش قدر استطاعتك قبله وانتى جنبه دايما اساليه ان كان محتاج حاجه تعمليها له

دايما استقبلى اهله ومعارفه واياكى تضايقى فى يوم من الايام من استقبالهم وصدقينى هتزيد غلاوتك عنده

حاولى دايما تكونى بجانب اهلة و تفكرية بسؤال عليهم هيرتاح نفسيا و لو فى مواعيد مهمة عائلية مثل ميعاد زيارة والدتة للطبيب ساعدية فى التواصل الاسرى (هيكون مرتاح )

واياكى تصعدى المشاكل والخلافات  بينك وبين اهله ولا تضعى نفسك فى مقارنه مع احد لانها مش هتكون فى صالحك

ابعدى دايما عن البكاء والانهيار ولا تجعليه سلاح لكى تستقطبى عطف جوزك

اياكى تشتكى من جوزك لاحد حتى لو كان اقرب الاقربين ليكى لانك هتصفى لزوجك وتنسى له الاساءه ولكنه سيبقى فى عيون الاخرين بصوره سيئه

من حين لاخر جيبى له هديه عشان تعرفيه انك دايما بتفكرى فيه ومش انشغلتى عنه بالبيت والولاد وان عرفتى تبعدى عنه يوم كل فتره عشان تجددى الاشتياق بينكم مره تانيه

حاولى تكونى متجدده ومتطلعه على اخر صيحات الموضه والبسى لجوزك فى البيت عشان عينه متبصش بره البيت ومتنسيش تغيرى تسريحه شعرك او قصته او لونه وتجددى من طريقه وضع مكياجك عشان يحس معاكى دايما بالتغيير

ارجعى دايما معاه بالزمن وتذكروا ايام خطوبتكوا وايام شهر العسل

اياكى تبصى للاخرين وارضى دايما بما قسمه الله لكى واعلمى انك فى خيرونعمه دائما ولا ترهقيه بكثره طلباتك

اياكى تسيبى بيتك لو حصل خلاف بينكم لا قدر الله ولا تتركى فراشك ابدا

وفى الاخر عايزه اقولك كونى لزوجك الحبيبه والعشيقه والزوجه والصديقه والام ولا تتوقعى منه معاملتك بالمثل ولا تتوقفى عن ارضاءه فى حال لم يتحسن زوجك فأجرك عند الله سبحانه وتعالى عظيم وبمرور الوقت سيتغير الى الاحسن فقط عليكى بالصبر

اخر كلمة هقولها لكل الناس اللى بيقولوا النساء نصف دنيا لا هم كل الدنيا امى سيدة و بنتى سيدة و زوجتى سيدة اكن لكم كل الاحترام

حسن سلام 

 

 

Responses

بص انت كلامك مثالي يعني ممكن

غير موجودة الآن
صورة شيماء  هلال
شيماء هلال

بص انت كلامك مثالي يعني ممكن انفذه أسبوعين و نص في الشهر بس باقي الوقت لاءه و ده لاني انا إنسانه في اوقات كتير بكون عصبيه بسبب الأولاد أو الجيران أو الشغل أو بسبب جوزي نفسه لازم هو يتفهم الموضوع ده هو متجوز ملاك

و بغض النظر عن أحوالي النفسيه انا لازم الاقي منه مقابل يعني انا بحسن عشرته لله بس ايضا اتمنى ان يقابلني بابتسامه لما ارجع للبيت و ان يحن عليا اول ما يستيقظ و ان يسالني عامله ايه النهارده( بصراحه هو بيسألها بس بيقصد بيها طابخه ايه) و أتمنى أيضا ان يحسن معامله أهلي و لا يتكلم عليهم بسوء أبدا و أيضا أنتظر منه أن يجعل مواعيد نومنا واحده و هكذا فكل ما ذكرته حضرتك أشياء عاطفيه يحبها الرجل فما بالك بالمرأه
كثير من اللي قولته حضرتك في المقال يجب أن يكون مجهود مشترك و لو كان مجهود فردي فتوقع له الموت بعد فتره قصرت أم طالت
ربنا هب لنا من أزوجنا و ذريتنا قره أعين و أجعلنا للمتقين إماما

طبعا فى بداية الكلام الهدف هو

غير موجودة الآن
صورة hassanahlawy
hassanahlawy

طبعا فى بداية الكلام الهدف هو يكون فية سوبر فاميلى زوج مثالى و زوجة مثالية بس الهدف ان لما الزوجة تدلع زجها انة هو كمان يدلعها
اوافقك الراى لو لم تتبادل حسن العشرة ستنتهى و تموت طبعا