مناقشات سوبرماما

انضمى لمجتمع سوبرماما وشاركى كل الامهات رأيك و أهتماماتك وأسلتك

مسيرك يا مرات الابن تبقى حماه .

15 يناير 2012 - 2:30صباحا

كيف تعامل مرات الابن حمتها.

Responses

فيه ايه لو اعتبرت زوجة الابن

غير موجودة الآن
صورة Laila Ewida
Laila Ewida

فيه ايه لو اعتبرت زوجة الابن ان حماتها مثل امها وعاملتها مثلما تحب ان زوجها يعامل امها.. والبنت طبيعى بتعامل صاحباتها و جيرانها و زميلاتها معاملة حسنة ورقيقة مش كتير عليها تعامل ام زوجها التى حملته وولدته وربته وكبرته ليكون زوج لفتاه جميلة ورقيقة مثل مرات ابنها .. هدية جميلة فسحة معاها كلمة طيبة بسمة فى وجهها مدحها على موقف جميل .. تدلعها فيه ايه لو دلعتها حتكسبها وتكسب زوجهاو لو فيه خلاف بينها وبين زوجها تحكى لحماتها وتكسبها فى صفها وتكون ام تانيه لها بدل متحكى لولدتها وتزعلها من زوجها وصعب الميه ترجع مجاريه بين امها وزوجها.. ايه رايكم.

شكرا على النصايح الجميلة دى

غير موجودة الآن
صورة dina goher
dina goher

شكرا على النصايح الجميلة دى بس والله جربتها كلها بس مفيش فايدة انا عايشة بعيد عن حماتى بس هى بتيجى عندى كتير بأعملها الأكل اللى بتحبه براعيها فى الأدوية لكن عمرها ما تقولى تسلم ايدك او متشكرة انا براعى ربنا فيها لأنه عندى ولدين وبقول يمكن ربنا ما يرزقنيش ببنت أما اخوات جوزى كنت باعاملهم زى اخواتى ولو سألونى فى حاجة بأقول رأى بصراحة لقيت انه بيزعلوا منى ففضلت اسمع وما اتكلمش احسن

دينا يا بنتى انا زى مامتك

غير موجودة الآن
صورة Laila Ewida
Laila Ewida

دينا يا بنتى انا زى مامتك وبقولك مادمتى بتعاملى حماتك كويس وبتراعى الله فيها ربنا حينور بصيرتها وحتبادلك هذا الحب وخصوصا حبها لابنهامع معملتك الحلوه تحرجها حاولى تعمللها حفلة عندك فى شقتك باى مناسبه عيد ميلادها مثلا وقدميلها هدية حلوة وباتفاق مع زوجك .. قوليلى يا ماما ازاى اعمل كذا لان ابنك بيقول ماما بتعمله هايل وخليها تشرحلك وحسسيها بحب ابنا لها فى غيابها قدامك وانتى مش بتغيرى منها بل بتحبيها بحب زوجك لها وكذلك قربى من اخواته اكتر ومتحسسهمش انك ختيه منهم اخرجى معاهم رحلة.. سينما .. مشوار تسوق اى حاجة زى كده وانتى عارفه الباقى .

بصى ياليله انا مع دينا انا

غير موجودة الآن
صورة امته الرحمن عادل
امته الرحمن عادل

بصى ياليله انا مع دينا انا عايشه مع حماتى فى عماره واحده بس مش بتحبنى مع ان الناس كلها بتقولى غير كده ليه
لانها من ورايا بتقول انى مش بزعلها ولا بضيقها وبخدمها زى ما اكون بنتها وانى احسن من سلفتى
بس هى بتتفنن فى حرق دمى والله بلا مبالغه معرفش ليه وديما تحب تقلل من نفسى حتى شكلى ناس كتير اوى بتقولى انى شكلى حلو الا هى ديما تقولى انا قولتله بلاش عشان فيها كذا وكذا يعنى واستمرى بقا انتى اكيد فهمتوا حماتى عباره عن ايه
ومع ان الناس بتقول انها بتحبنى اكتر من سلفتى الا انها بتعاملها احسن معامله
تركيبه غريبه ومش قادره استوعبها

السلام عليكم يا امةالرحمن

غير موجودة الآن
صورة اللهم اغفر لى وارحمنى
اللهم اغفر لى و...

السلام عليكم يا امةالرحمن
بصى انا اقدر افهمك تركيبة حماتك من وجهة نظرى بما انك كده كده بتعامليها كويس وبنت حلال فهى تخاف تشكر فيكى قدامك احسن تغيرى معاملتك دى لانك ساعتها هتقولى فى نفسك خلاص اعمل فيها اللى انا عاوزاه مادام هى بتحبنى
والعكس مع سلفتك شكلها مش بتعاملها كويس وهى مش بتحبها بس لازم تعاملها كويس وتشكر فيها عشان لو بدات الحرب بينهم مش هتخلص وهى اكيد زى اى ام عاوزه تحافظ على استقرار اولادها فهى مجبرة تعاملها كويس حتى لو مش بتحبها.
وتاكدى اختى انك لو اخلصتى نيتك انك تعامليها لله هترتاحى وقولى فى نفسك اللى عاوزه تقوله او تعمله تعمله لانك بتعاملى الله مش بتعامليها هى وماعند الله خير وابقى
وربنا يوفقك والسلام عليكم ورحمة الله

بنتى امته الرحمن انا مع راى

غير موجودة الآن
صورة Laila Ewida
Laila Ewida

بنتى امته الرحمن انا مع راى (مش عارفه اققول مين )( ربى اغفرلى وارحمنى)وتابعى اللى قولته لدينا وربنا معاكم وانشا الله تقولولى ان علاقتكم بحماتكم قصدى مامتكم تبقى اجمل واجمل انشاء الله .

بارك الله فيكم والحمد لله

غير موجودة الآن
صورة admmarcony
admmarcony

بارك الله فيكم والحمد لله اننا كلنا متفقين على مراعة الله مع ام الزوج انابحب مبدء اللتعمله تعمله بعدين ده ام حبيبييي لزم عشان منكتابش ندور على الحاجاة الحلوة فيها

أنا ساكنة معلها في عمارة

غير موجودة الآن
صورة basma ahmed
basma ahmed

أنا ساكنة معلها في عمارة واحدة وبنا مشاكل كابر أوي بحلول أرضيها بكل السبل مش عاجبة تلاقيها بتعاملني وحش وبتقرب لجوزي أني أنا اللي مشي البيت وهو مش راجل وعليان خاطره لجي علي نفسي كتير هي عائدة كلمتها اللي تمشي في البيت وقولتلي كلام محصلشي وغير كدا بتطلع شفتي وانا مش موجودة تفتش فيها وبتقرب ان دا من حقها وعمرها ما شكرا أني علي حاجة حتي لما هزمتهم عندي مقالات ليش كلمة حلوة وبت تكلم علي نظافة الشقة عندي وهي بتحاول مع جوزي أني انزل تخدمها وانا مش موافقة

يا بسمة يابنتي اعملى ليكى

غير موجودة الآن
صورة admmarcony
admmarcony

يا بسمة يابنتي اعملى ليكى مبدء وامشى عليه يعنى ارضى الله فى معملتك معها متستنيش تسمعى كلمة حلوة منها كفاية انك هتسعدى زوجك وقولى لنفسك انه مفيش بعد اجر الله وفرحة حبيبك

الاول كان في شويه مشاكل بس

غير موجودة الآن
صورة Boba mohammed
Boba mohammed

الاول كان في شويه مشاكل بس لما بدأت اقول ان لو امي عاملت فيه كده مش هزعل منها و لا هقول ان امي وحشه بدأت الامور تتحسن و بدأت اعدي و افوت ايوه و مابستناش كلمه حلوه المهم بس ابقي مراضيه جوزي و مش عاملاله مشاكل الحمد لله

ربنا يباركلك انك بتشجعيهم على

غير موجودة الآن
صورة الاموره كوكو
الاموره كوكو

ربنا يباركلك انك بتشجعيهم على المعامله الحسنه لحموتهم لان فيه مثل بيقول دعوة الام فى كوم ودعوة الحماه فى السما وانا الحمد لله حماتى تتوفيت وهى لاخر نفس فيها بتدعى لى انا وزوجى

تسلمى كوكو حبيبتى .. انا الآن

غير موجودة الآن
صورة Laila Ewida
Laila Ewida

تسلمى كوكو حبيبتى .. انا الآن اصبحت حماه .. والحمد لله بدعلها دعوتى لابنى وبناتى .. وهى تبادلنى مشاعر الحب اللى بين البنت ومامتها .. الكلمة الطيبة صدقة .. وياريت نتعامل بالكلمة الطيبة لجميع من نعاملهم .

موضوع طبعا اكتر من رائع

غير موجودة الآن
صورة منة محمد
منة محمد

موضوع طبعا اكتر من رائع كالعادة بس طبعا هو موضوع الساعة وكل ساعة ربما كما يقولون المساواة فى الظلم عدل ...........انا عارفة ان ردى غريب وربما يكون فريد من نوعه كمان...........لكن نظام بلدنا رخم شوية عندنا الابن يتزوج فى الدور التانى مثلا والحماة تحته بالدور الاول وكل يوم اول ما تصحى من النوم تنزلى تنضفى وتغسلى وتطبخى يعنى شغل البيت العادى لكن زيادة عليه شوية تعليقات والقطط الفطسانة ذى ما بيقولوا وتلكيك لاحصر لها ابسطها الفلفل زيادة ماية الارز كتريها علشان امى عاوزاه كده وترجع تقول رزك مايته كتير والمركب اللى ليها ريسين بتغرق فما بالك لما يكونوا 3 حماتى وامها وانا والرابع زوجى الودود ماهو لازم يتعلم ولو مدح اكلى ياسلام ما اقولكيش ...........وطبعا النظام داه موش ماشى فى كل البلد ولا حتى فى كل العيلة واقربها ان اخوال زوجى ال3كانوا فى عيشة مع حماتى لفترة الاولى 4سنين والتانية7شهور والتالتة 4شهور ودلوقتى لوحدهم فى عيشة وحماتهم معانا ،غير ان فيه كتير بيبقوا فى عيشة لوحدهم من يوم الفرح لكن القرار يرجع للحماة وبس
وطبعا النظام داه بياثر على تربية الاولاد علشان كده بادعى ربنا يعطينى الصحة ولا احتاج ابدا لزوجة ابنى وربنا يقدرنى واشترى له بيت فى شارع تانى بعيد عنى وكفاية انى اطمن عليهم ويزرونى بنفس راضية وبمحبة
انا طول عمرى طيبة وباحب الناس الكبيرة وباحب دعوتها لكن انك تسيبى شقتك من غير حتى ما تفتحى شباك وتكون بنتك نار ولعة وتنزلى تخدميها وتاكلها شبيسى من سن 6شهور وترجع ادامها وتقول ايه يعنى تتعود على كل حلجة وبعد كل داه تقولك انتى مابتعمليش حاجة اقولها امال باعمل لمين تقولى لنفسك ولزوجك دا حتى الرسول الكريم قال من لم يشكر الناس لم يشكر الله وبجد انا اتغيرت كتير من اللى شوفته دا محتاج مدونات اكتر حاجة المتنى اما امها تدعى على بنتى علشان بتلعب فى الشارع وتتطلع لى الشقة تقولى يارب تيجى لك متقطعة تحت عربية 100حته وحماتى تزعل قوى علشان قولت لامها الله اكبر الله اكبر الله اكبر وساعتها كان صراحة جسمى ينتفض من هول الصدمة موش كل الكلام اللى يتقال وموش كل الحماوات مثلك يا امى الحبيبة ليلى جعلك الله مثلا طيبا لنا نحتذى به وبارك الله لنا فيك واكيد للحديث بقية علشان الحق انزل اطبخ قبل ماتيجى".............ربنا يستر بأه

موش قولتلك ياطنط ليلى موش كل

غير موجودة الآن
صورة منة محمد
منة محمد

موش قولتلك ياطنط ليلى موش كل الناس ذي حضرتك يعنى من الاخر كمان موش كل الحماوات ممكن يبقوا ذى ام الواحدة اخدت بنصيحتك مع انى كنت سيبتلها الجمل بما حمل وطبخت لى انا واولادى فوق وسيبتلها ابنها معاها كمان علشان اترملت عليه وهو وحيدها كمان ومع ذلك نزلت النهاردة لما اتصلت بى وقالت لى انزلى اطبخى وقلت اقعد معها بالليل لان ابنها بيجى من الشغل يتغدى وبعدين يقعد مع ابن عمه لنص الليل وجيت ابعت محمد ينادى عليه بحجة انه يجى يعطى لمنة الحقنة فى الصيدلية فردت وقالت موش عندك الحقنة خد يامحمد نص جنيه وهات السرنجة والحقنة تاخدها عند احدى قريبتنا وفى نفس الوقت قريبتنا فقلت له دا جاى امبارح نص الليل وحكت لها ذى ما قلتى تمتم فلم ترد بحرف واحد مفيش ام بتطيق كلمة على ابنها كانت الال تقولى كل الناس بتشكر فيه ماعدا انتى ولما بدا اغلب اقاربه والجيران يشكوا منه لم تتلفظ بكلمة واحدة حتى لو قالت طولى بالك ولااى كلمة طيبة لكن هى ..............الله اعلم بيها ربنا يسقى كل واحد من ضميره ويخلصنى من الدنيا دى على خير لانى بجد كل حاجة حلمت بيها اتحطمت دا حضرتك بتقولى عامليها كامك ام ايه اللى بنتها تقعد معاها فترمى لها حزام بنتها وتقولها خدى اغسليه ام ايه اللى ترمى هدوم ابن بنتها على السلم علشان ماتغسلهاش ما افتكرتش مرة واحدة من اللى كنت باغسل فيها هدومها هى وامها لحد مابقت تخبى الهدوم منى واما اسالها تقول ماعنديش هدوم وسخة وتانى يوم تغسل 
مازال هناك حماوات فاتنات اقصد قاتلات تقتل بالغيظ انا لما بتكلمنى حلو بانسى كل داه لكن لما بتكلمنى وحش بافتكر كل الذى مضى لان على ما اسمع ان الحياة الزوجية فى بدايتها بتكون فيها مشاكل لحد مابفهموا بعض لكن انا وزوجى رغم ان زوجنا كان تقليدى كنا اكتر من حبيبين لكن للاسف بسبب كتر الكلام تحطم هذا الحب الكبير واخشى ان يتحول الى رماد لانه اوشك على ذلك وكلمة جوزى اللى معلق عليها انا زوجك بتاع زمان مات وانا واحد تانى

رئيى ممكن يكون مخالف شوية

غير موجودة الآن
صورة أم يو يو
أم يو يو

رئيى ممكن يكون مخالف شوية لحضراتكم 
وانا بحترم جيدا ماما ليلى وبيعجبنى كلامها كتير اوى 
ليه منقولش ازاى تعامل امى الزوج مرات ابنها  ( زى بنتها ) 
لان دايما مرات الابن بتحاول بمشقة انه اتتقرب  من ام زوجها
 بس احنا نسينا حاجة مهمه جيدا ان مرات الابن بتكون عندها هيبه من حماتها  
يغنى تبدا ام الزواج هى بمصحبة مرات ابنها تحكلها عن اى حاجة حتى لو على مسلسل شافته 
عايزة تروح مشوار تاخذها معاها تاخذ ريها حتى لو فى اكله هتعملها زى ما بتعمل مع بنتها 
يعنى قصدى تكسر الهيبة الموجودة عند مرات الابن 
لان طبيعى مرات الابن عايزة ترضيها عيزها تكون زى امها بس مرات الابن تكون مش عارفة
ممكن تبدا مهعا غلط تزعل حماتها مثلا كده يعنى ( صراحة انا امى متوفية من انا صغيرة ولما اتجوزت حماتى بدئت معايا كده 
تحكيلى اى حاجة تاخذ رئيى حتى لو فى حاجة هيفى كده يعنى )
وحق ربنا بتعاملنى زى بنتها وانا بحبها اوى زى امى  صراحة هى فى حالها اوى 
مش بتتخل فى حاجة بينى وبين زوجى دايما تقول اتفقوا  مع بعض والى عايزنه اعملوا 
ملحوظه:-  انا عايشة معاها  حاليا فى نفس الشقة
انا عارفة ان فى حماوات كتير صعبين اوى ويحبو يتحشروا فى امور اولادهم ويفرضوا ارئهم بس
نصحتى لمرات الابن انها تعاملها كويس وربنا يهدى حال الجميع 
 
 

فى تشابة كبير بينى وبين ام

غير موجودة الآن
صورة ام جنى محمد
ام جنى محمد

فى تشابة كبير بينى وبين ام يويو
بس انا كنت معها فى نفس العمارة للظروف الجديدة اتنقلت الفيوم مع ابو جنى قريب من عملة
حسة ان الخطوة دى ممكن تغيرها من نحيتى مش عرفة ابدا معها ازاى

          حببتى ام جنى 

غير موجودة الآن
صورة أم يو يو
أم يو يو

          حببتى ام جنى 
         هى اكيد مش هتتغير للانك تبع ظروف شغل جوزك 
         ممكن انتى من ناحيتك اسئلى عليها باستمرار 
         بالتليفون احكى معاها فى يوميات جنى كده يعنى 
       وربنا يسعدك ويسعدنا جميعا أمين يارب
 

بصراحة يا بنات .. انا لما

غير موجودة الآن
صورة Laila Ewida
Laila Ewida

بصراحة يا بنات .. انا لما عملت هذه المناقشة .. لسة مكنتش بقيت خماه .. وكنت على ارتباط وثيق بابنى ..  بس لما بقيت حماه .. مازلت على ارتباط وثيق به وبمراته .. بس تركته يعيش حياته .. هو ومراته بدون تدخل على الاطلاق .. وايام مبنا العفش رحنا دمياط .. وما كان لى إلا ان اقول .. دى حاحتكم .. ولا بد تختاروا بنفسكم .. وما علىَ إلا ان ادفع ههههههه .. وبعد الزواج لهم حياتهم .. ربنا يسعدهم ويمتعهم بحياتهم .. ويمتعكم بحياتكم حبيباتى جميعا .

العنوان بجد للمناقشه دى هو

غير موجودة الآن
صورة afaf eltoomy
afaf eltoomy

العنوان بجد للمناقشه دى هو الى شدنى لانى بقوله لنفسى والله
انا اخف الحمد لله من ناس كتير حماتى كويسه الحقيقه وبتعاملنى كويس فى امور كتير وانا براعى ربنا فيها على قد ما اقدر لكن مشكلتى فى الاستقلاليه الحقيقه جوزى وحيد ولدته وكتير بنيجى نقعد معاها رغم انها بتشتغل وبناتها باستمرار واحده منهم معاها لكن انا مش عارفه اشعر الاستقرار والاستقلال لانه يومين فى شقتى وباقى الاسبوع معاها انا بزهق الحقيقه خصوصا انها رغم انها طيبه الا انها اسفه ممله فى القعده معاها ودايما بتتكلم عن السياسه وانا اعصابى بتتعب الحقيقه كلامها ممل لابعد الحدود وعلى قد ما اقدر بسمع لها واسمع الكلام اكتر من مره بتكرره بس بجد بزهق والله بقول لنفسى كتير مسيرى ابقى حما لمرات ابقى والله اعلم هيكون وحيد اخواته ولا يكون معايا ولاد غير ه الله اعلم لكن الزهق  والملل بيموتنى وانا عندها  ومش برضى ازعل جوزى اننا نروح شقتنا غير لما هو بيطلب وكمان احساسى انى مش فى بيتى مش قادره اغيره وبتكسف باستمرار انى اتصرف فى اى حاجه  هنا 

الله يبارك فيكى يا فيفى ..

غير موجودة الآن
صورة Laila Ewida
Laila Ewida

الله يبارك فيكى يا فيفى .. ويهديلك نفسك علشن ترضى ربنا وجوزك .. تعرفى انا ضحكت لما قريت مناقشتك .. احمد ابنى وحيدى مع اخواته البنات وزوجته .. وانا بموت فى السياسة .. لما يكونوا عندنا بيقفلوا عليا وعلى بباهم .. وشغل التلفزيون على اى شيئ يعجبهم .. وانا اضحك وقولهم قليتوا مزاجى ههههههه .. خُدى الموضوع بسهولة بكرة لما تقومى بالسلامة حتنشغلى بمولودك حتى وانتى عندهم .. عرفى ان انا كتبت هذا الموضوع ومكنتش لسة بقيت حماه .. بس احساس جميل انك تكونى حماه .. عقبال متجربيه وتتلافى السلبيات ههههه وخلى بالك .. خلى مزاجك على مزاج اولادك وزوجاتهم وازواجهم يا حبيبتى surprise