تاخر التسنين

واللة انا حيرانة اوى مش عارفة اعمل اية  ابنى دلوقتى عمرة سنة وشهر ومفيش ولا سنة طلعت  هوة مشى بدرى وعمرة 11 شهر ورحت  لدكتورة اطفال قالت انة محتاج كالسيوم لان الضاعة الطبيعية اللبن مفهوش كاليسوم  والدواء اسمة اوستيو كير وقى لة شهرين ومفيش حاجة  انا محتارة اةدية لدكتور اسنان بس الناس اللى هنا مخوفينى  حد يقوللى اعمل اية  انا قلقانة  اوى  اول مرة تحصل لحد من ولادى  حد لة تجربة  اويعرف دكتور يطمنى

اعملي شير :
بواسطة
z shady

التعليقات

صورة ريرى وحيد

ماتقلقيش ياام شادى , انا سمعت من دكتور اطفال قبل كده ان اللى بيمشى بدرى ممكن
يتأخر فى الاسنان والعكس وفى كالسيوم شراب زى ديكال 12 وكالسى كال ولازم تعرضيه على دكتور كويس وباذن الله خير وربنا يطمنك عليه

صورة Laila Ewida

ابنتى ام شادى ربنا يخليلك ابنك وتفرحى بيه .. لاعجب من كلامك .. لان فعلا اللى بيمشى بدرى يتأخر فى الاسنان .. زى مقالتلك ريرى .. قولى الحمد لله انه مشى وبعدين الاسنان .. لانه الطفل الذى يمشى ويسنن فى آن واحد صحته بتتبهدل تماما .. لاتقلقى ربنا يطمنك .

صورة rena godo

بصى ياقمر كلام طنط وريرى صحيح جدا متقلقيش صديقتى كانت بنتها كدة بالظبط وكمان كانت يدوب بتسند راحت للدكتور كتبلهافيتامين بس بصراحة كان غالى شويتين كان فحدود100وحاجة لانة مستورد بس ماشاء الله مشيت وطلعت اسنان بسرعة غريبة عقبال ابنك

صورة z shady

شكرا ليكم كتييييييييييييييييييييرا اوى وربنا يخليكم

صورة z shady

وانا طبعا هعرضة ع دكتور اسنان اطفال ويارب يكون خير ومرسى ليكم جميعا وشكرا ع اهتمامكم والرد على فعلا ونعمة الاخوات

صورة حبيبه احمد

الاسبوع اللي فات على قناه الحياه الدكتور محمد رفعت قال ان الطفل بيبقى عنده مخزون كالسيوم مفيش دكتور يقدر يقولك الطفل استهلك الكالسيوم في ايه ممكن يكون في المشي والحركه وممكن التسنين
وقال اهم حاجه انه ياخد كالسيوم وانا من راي تغيري النوع اللي بتدهوله وتكتري من الاكل اللي فيه كالسيوم

صورة z shady

واللة انا بعمل كدة حتى مع الدواء بس اللى قالق الواحد كمان عدم الاكل مش ب ياكل كويس والاكل بالعافية بس اليومين الجايين نكون شوفنا دكتور كويس ان شاء اللة وشكرا ع اهتمامكم

صورة nany feps

انا مع البنات في الللي قالوه بس انا راي متروحيش لدكتور سنان روحي دكتور اطفال كويس وخلاص وربنا يطمنك

صورة ام يس

انا موافقة نانى فى كلامها روحى لدكتور اطفال ،، ابنى برضو التسنين عنده اتاخر بس كنت متابعة من وهو 8 شهور وبدء كالسيوم ديكال ب 12 ولما تم السنة ومفيش اسنان طلعت رحت بيه للدكتور وقالى ان النوع ده ضعيف بالنسباله واخد كالسى كال طلع اربع سنات فى شهر واحد مع بعض وخليكى متابعة دايما كل شهر او شهرين مع الدكتور عشان تعرفى الجرعات وتعرفى توقفى امتى عشان كتره زياده عن اللزوم غلط

صورة Safa Mohamed

انا بنتى كانت لحد 10شهور لم تسنن الدكتور ادنانى حقن كالسيوم ساعدت على طلوعها

صورة ايمى حبيبتى

انا بردو هقولك حاجة قالهالى الدكتور لانى انا بنتى متاخرة فى التسنين والحبى وهى 10 شهور الدكتور قالى لازم لازم لازم الطفل يقعد فى الشمس بتاعة الشروق الصبح بدرى خالص او شمس الغروب لان دة فية فيتامينات احسن من اى ادوية

صورة sabrine cheti

انا ابني عمره قد بنتك سنة و شهرين و هو كمان لسة ما خرجتلو و لا سن وديتو لطبيب الاطفال قالي متقلقيش حتى سنة و نصف قادر يطلعولي بس انا ابني عم يمشي بيقولو لي بيمشي في الاول يطول في التسنين