ازاى اخلى جوزى يبطل التدخين
بصراحه مشكلت حياتى مع جوزى التدخين حاولت كتير ومفيش فائده رغم انه عمره ما شرب فى البيت ولا شرب ادامى خالص ولو شوفته صدفه بلاقيه بيداريها منى وبيحاسب على شعورى بس المشكله انه بقى يشربها ادام العيال بره دى حاجه مزعلانى اوى ياريت حد يقولى اعمل ايه
اعملي شير :
بواسطة
حنه حنه

التعليقات

صورة Boba mohammed

اكدب عليكي لو اقولك ان ليها حل و خاصه اذا كان مدخن من زمان انا جوزي ميشربش ادام حد من عيالي ابدا لكن معايا عادي فحاولي تفضلي الي حد ما محافظه علي انه مبيشربهاش قصادك الا بقي اذا كان هو عاي يبطل تدخين ممكن تسعديه و تقفي جنبه لحد ما يباطلها

صورة حنه حنه

والله يابوبه كل ما اكلمه يقولى ادعيلى

صورة emy emy

مافيش فايده انا عن نفسي بطلت اتكلم في الموضوع ده و أدركت انه مافيش فايده و لازم هو اللي يكون عايز يبطلها مش انتي لان هو لو عايز يبطلها هيبطلها و هي دي المشكله

صورة حنه حنه

انا كمان زهقت من كتر الكلام يا فريده بس عندى امل

صورة azza a_badie

بصى يا حببتى الارداه فى ابطال السجائر هى نفسها الاراده انك تعملى دايت وتقاومى نفسك فى اغراءات الاكل ده بمناسبة انى بعمل دايت أقولك على حاجه انت تتكلمى معاه مباشرة وتقولى له انت قدوة لابنائك أكيد ابنك بيحبك ويحب يقلدك ولازم يقلدك فى حاجه كويسه بس طبعا طريقة ادارتك للحوار عليها عامل كبير ولازم يحصل نقاش بينكم ولما تلاقى ان الحوار راح لمنعطف تانى حاولى تقفلى على الموضوع وتحاولى تفتحيه فى وقت مناسب وعرفينا اخر الاخبار

صورة حنه حنه

ماشى ا ياسمين اجرب اعمل زى ما قلتى وربنا هو الهادى

صورة ريحانةحب زوجي

بجد المشكله صعبه واسال مجرب لاني بعاني من نفس المشكله وكمان انا جوزي بيشرب في البيت بس في الحمام وانا نصحته كتير بس مفيش فايده والمشكله لما حد من الولاد يدخل الحمام اكيد اثر الدخان بيبقي موجود ربنا يهديهم وتوب عليهم كلهم

صورة حنه حنه

ربنا يسمع منك يا ريحانه ويتوب على كل مدخن

صورة ريرى وحيد

الحمدلله ان حبيبى مش مدخن وربنا يعافينا جميعا من هذه البلوى

صورة حنه حنه

ربنا يحفظلك جوزك يا ريرى فعلا بلوى تقيله

صورة rena godo

بصى ياقمر المهم تفضلى محافظة على انة ميشربش قدامك انتى والاولاد لأنهم هيقلدوة وكمان صحتهم...وكلمية بهدوء من الناحية الدينية والصحية وبلاش تحسسية انك رقيبة علية وبتلاحقية وقوليلة ان كدة كدة الاختيار ليك بس ياحبيبى .....وأختارى الوقت المناسب وعلى فترات الأهم بقى من دة كلة أنة يكون عاوز يبطل

صورة حنه حنه

شكرا ريناهو فعلا عارف انه حرام وغلط وبقوله لازم يكون عندك اراده يقولى مش موضوع اراده موضوع مزاج ديما بيكابر انه مش قادر يبطل المشكله انه مش بيحب كتر الكلام فى المووع ده وساعات يتنرفز

صورة سلمي خالد

فيه حل بسيط بس مش هيبطلها في فتره قصير دي هتاخد وقت كل لما يجي يشرب اديله لبان نعناع قبل السجاره وبعدها هتتغير طعمها خالص في بوقه وان شاء الله ربنا يهديه ويبطلها

صورة حنه حنه

شكرا سلمى حجرب الفكره دى يارب تجيب نتيجه