اختيار ألعاب الأطفال

 

 ما هي اللعبة المناسبة لطفلك؟


يجب أنا تحاكي اللعبة منذ الولادة و حتى عمر السنة حواس طفلك كالسمع و البصر و الحس مثل الخشخيشة، دمى البلاستيك، الألعاب القماشية القابلة للغسل، ألعاب متحركة ولكن لا تصل لها يد الطفل، و الألعاب التي تصدر صوتا عند الضغط عليها .


من عمر سنة إلى عمر سنتين هنا يجب أن تلبي الألعاب طبيعة الطفل المحبة للاكتشاف مثل الكتب البلاستيكية ذات الصور الكبيرة، سيارات الأطفال، المكعبات، الألعاب ذات الخيط المطاطي، تلفون الأطفال و الألعاب الموسيقية .

 


من 2 إلى 5 سنوات اختاري لطفلك الكتب ذات القصص القصيرة، اللوح و الطبشور، تركيب المكعبات ، أقلام تلوين غير سامة، أدوات منزلية، العاب الحديقة مثل صندوق الرمل و الزحليطة والدراجة ثلاثية العجلات أو السيارة .

 


من 5 إلى 9 سنوات تساعد الالعاب في هذا العمر تنمية ذكاء و إبداع الطفل مثل أدوات الطبيب و الممرضة، الدراجة ثنائية العجلات، القطار الكهربائي، نط الحبل، كرة القدم، تركيب الألعاب.

 


من 10 إلى 14 سنة تكون الألعاب العلمية و المناسبة لموهبة الطفل مناسبة لهذه الفئة من الأطفال مثل ألعاب الكومبيوتر ، المجهر و المكبرة ، ممارسة الرياضة، و هواية جمع بعض الأمور المفضلة مثل قطع النقود أو الطوابع .

اعملي شير :
بواسطة
Susu semsem

التعليقات

صورة Boba mohammed

عارفه يا سوسو الاطفال بتوع اليومين دول صعب جدا مع ظهور الاندرويد و الايبود و الجيم بوي و الالكترونيات دي بيبقي الطفل عنده سنتين و عايز الايباد و سايب اللعب دي و لو قلنا هبعده عن الحجات دي و امشيه بالترتيب الي انت عملاه هتلاقيه قاعد في وسط اطفال في سنه جاهل بالحاجات الي بيمهر فيها غيره فهماني

صورة Susu semsem

ياستي مش يمكن ماما تانيه تقدر :)

حماده من ساعه مايصحى من النوم ماما هاتي موبايلك وهاتك يالعب ولو حطيته يتشحن ماما عايز اللاب بيحسسني انو شاب في الجامعه مش طفل 3 سنين

فهماكي يابوبي فهماكي البازلز والمكعبات دي نجيبها احنا لينا ... الله يحميهم :)

صورة Boba mohammed

أيون إحنا نحب نلعب بالحاجات دي لكن هما لا

صورة ريرى وحيد

والله يابنات عندى فريد(سنه ونص )بيمسك الموبيل وهاتك يارغى مع نفسه عامل نفسه ان فى حد بيكلمه ومفيش غير كلمة ماسى (يعنى ماشى)ولازم يبقى بيتمشى فى الشقه وهو بيتكلم
ههههههه
شكله بيكلم البت بيرى

بجد اطفال اليومين دول ماينفعش معاهم الكلام ده ياساسو
الكلام ده على ايامنا احنا بس جيل الثمانينات

صورة marmr yaser

يا بنات أطفال اليومين دول بتوع النت والدش والموبايل مش زينا كان أخرنا عروسة او المكعبات والتليفزيون الأولى والثانيه ونام بدرى يلا ادى حال الدنيا

صورة azza a_badie

والله انا عندى رأى اخر كلام ساسو صح وفى نفس الوقت كلام بوبا صح قولولى ليه لازم يجمعوا انا عن نفسى بناتى بيموتوا فى التكنولوجيا وفى نفس الوقت بيحبوا الالعاب اليدويه
والله يابنات ان بحس ان الالعاب الالكترونيه بتحد من مهارات الاطفال بينما على العكس فى الالعاب الاخرى فيها ابتكار ولا انتم رأيكم ايه

صورة Rehab Anwar

علي فكرة سجي بتحب المكعبات جدا وفي نفس الوقت بخبي الموبايل منها من كتر ما تلعب فيه واللي مضايقني انها بتخاف من اي لعبة بتصدر اصوات وماترضاش تيجي جنبها تاني ابدا
الطفل حسب ما اتعود يعني بمجرد انها مش شايفة التليفون او الكمبيوتر قدامها مابيكونش قدامها غير اللعب اليدوية

صورة ريرى وحيد

تصدقى يارحاب ان ولادى الاتنين جوزى كان بيقعدهم قدام الكمبيوتر من وهما عندهم 4شهور وكنت ببدأ ااكلهم عالكمبيوتر
وكان اول حاجه يوسف ابنى شافها عالكمبيوتر فيلم اللمبى واول حاجه فريد شافها كانت اغنية فيس بوكى
عشان كده هناك فرق فى الاذواق واحد شعبى والتانى راب هههههههه